الفيلم 301

السؤال الأبدي .. اللي اتهرس في 300 فيلم عربي قبل كده ....

بتحبني؟؟ .... هو: ممممم  ..  آآه طبعا

هي: طب قوللي بقة ..حتعمللي إيه في الفالنتين السنة ده ؟؟

وهنا تيجي الموسيقى اللي بتتعزف كل سنة في نفس الوقت .... تــــا تــــا رارا  تـــــــــــــــــــا

ويســــــــــــــــــــــــود الصمت !!

أنا بقة جبتكوا هنا النهاردة .. عشان تقولولي .... ناويين تعملوا إيه ؟؟

كل سنة بتخانق نفس الخناقة .. ( عشان يعمل حاجة ما تخللينيش أقفش عليه ) ...

 وفي الحقيقة.. بوصل لنفس النتيجة اللماعة المبهرة اللولبية المعتادة :

هو: ( أنا ما بعرفش في الحاجات الهايفة ده .. جبتلك موبايل .. جبتلك لابتوب .. اتنازلت أحيانا .... – بعد زنك -  .... وجبتلك ورد .. ساعات بيبقى بعد المناسبة ب 15 يوم .. بس النتيجة إيه ؟؟ .. انني أهه  .. بجيب )

تعرفوا بجد .. مش كلام تهريج .. انا قلت .. كلمات أغنية ننوسة (نانسي عجرم) .. في حاجات .. قبل ما تطلع للنور يمكن ب 5 سنين .. لأنها فعلا .. متفصلة علينا قوي .. (روحوا شغلوها)

من الآخـــــــــــر .. انا بقة قررت من السنة اللي فاتت .. قبل الفالنتين بشهر تقريبا .. انني ممكن أوصل لمكانة عربيتنا .. اللي لو باظ موتورها .. لازم يتصلح في التو و اللحظة .. واحتمال زقزوقة هانم ( عربيتنا ) يتجاب لها موتور جديد

سؤال بقة مهم جدا .. في هذه اللحظة الحاسمة .. هو أنا لازم أكون 1600 cc .. أوتوماتيك .. فول أوبشن .. إزاز كهربا .. فوانيس شبورة .. جنوط سبور ..

عشان كل ما أعمل .. إئ إئ .. جرررر  .... واحد يجري .. يقف جنبي .. لغاية ما أطظبت .. و يمكن كمان يا دلعووووو .. يجيب لي فواحة .. عشان محتاجة نيو إيسانس

ده حاجة ... تيـــــــــــــــــــــــــــــــــــــــــــــــــــــت

استنوااااا .. Oh .. Ohhhh .. Oh

حبيبي .. بيقرا الدرافت .. بتاع التدوينة .. :$

استنى .. إيييييييه .. يا مجنون .. بتعمل إييييه !!

فوووووووووو .. تش ..طاق .. بوووووم .. آآآآه ....ده الطقم الصيني اللي ماما .. جايباااااااااه

فووووووووو .. طااااخ  .. طقم الكاسات الكريستال .. اللي صحابي لموا ... وعملوا جمعية عشان يجيبووووووه

شششششششش ... أحدثكم من تحت سرير إبني ;)

لأنني مؤمنة ان اللي بكتبه ليكم .. ده واجب عليا لكل ست شايفة ان الدنيا وقفت على هدية الفالنتين J

حبي نفسك .. واعرفي إنك أساس الحياة .. ودلعي نفسك .. بمناسبة ومن غير مناسبة ..

 لأنك ملكة .. وطبعا .. ما تنسيش برده ............

إنك تفضللي تزنني على مطالبك في هدية الفالنتين .. لأن الزن هو اللي خللا معاكي دلوقتي البراون واير ليس هاندي ميكسر الجديد J

لغاية ما ييجي اليوم وتتحقق .. واعرفي انه ( لا يضيع حق وراءه مطالب )

ويسقط يسقط حكم العسكر .... احنا النسوة الخط الأحمر 
((( أحمر زي الفالنتين برده   (((